EduStarsMostafa Atalla

دليل SAT · EduStars Academy

درجة SAT المطلوبة لجامعات السعودية ومصر والخليج

مفيش رقم واحد للكل. كل جامعة وكل كلية بتحدد درجتها، والأرقام بتتغير من سنة لسنة.

بقلم Mostafa Atalla · نوفمبر 2026

الأول: الـ SAT نفسه

الـ SAT الرقمي فيه قسمين: Reading and Writing وMath، كل قسم من 200 لـ 800، والمجموع من 1600. القسم الواحد بيتقسم لجزئين، والجزء التاني بيصعب أو يسهل حسب أداءك في الأول.

مهم: بعض الجامعات بتبص على المجموع، وبعضها بتطلب حد أدنى لقسم معين (غالبًا Math للهندسة والعلوم). اقرا الشرط كويس.

السعودية

طلاب المدارس العالمية (الدبلومة الأمريكية وغيرها) بيقدّموا في أغلب الأحيان بالـ SAT بدل القدرات أو جنبها. أمثلة من صفحات القبول الرسمية:

الجامعةاللي منشور على صفحة القبول
جامعة الملك فهد للبترول والمعادن (KFUPM)مسار القبول بالـ SAT: 1350 على الأقل للتقديم، وبعدها اختبار رياضيات من الجامعة. الدرجة دي مش ضمان، القبول بالمنافسة.
جامعة الملك خالدللمقيمين اللي درسوا منهج غير سعودي: SAT I بـ 1000 من 1600 (أو ACT بـ 22) مع شروط تانية.
جامعة الملك سعودللمنح الخارجية: 1200 على الأقل لبرنامج الطب.
جامعة الأمير سلطانبتقبل الـ SAT بدل القدرات للمفاضلة بين المتقدمين، والدرجة لازم تتبعت من College Board.

مصر

طلاب الدبلومة الأمريكية في مصر محتاجين اختبار معياري عشان يدخلوا الجامعات المصرية. الـ SAT رجع في مصر سنة 2025، والجامعات بتقبل كمان ACT وEST. الحد الأدنى بيحدده المجلس الأعلى للجامعات كل سنة، ويختلف بين الجامعات الحكومية والخاصة والكليات.

  • أمثلة منشورة: بعض الجامعات الخاصة والمعاهد بتبدأ من حوالي 800 لـ 890 في SAT I، والكليات العملية بتطلب كمان SAT II أو ما يعادله في المواد.
  • الجامعات الحكومية وكليات القمة بتطلب درجات أعلى، وده بيتحدد في التنسيق كل سنة.

الإمارات والخليج

كل جامعة لها نظامها، وأغلبها بيقبل EmSAT أو SAT. مثال: الجامعة الأمريكية في الشارقة (AUS) بتطلب من طلاب المنهج الأمريكي درجة SAT، وحد أدنى في Math (450)، مع شرط إنجليزي منفصل. الجامعات الأمريكية في المنطقة غالبًا بتبص على الـ SAT كجزء من ملف كامل (الدرجات المدرسية، الأنشطة).

إزاي تعرف الرقم الصح ليك

  1. حدد 3 لـ 5 جامعات وكليات بتفكر فيها.
  2. ادخل صفحة القبول الرسمية لكل واحدة، ودوّر على شروط السنة اللي هتقدّم فيها.
  3. اكتب الدرجة الكلية وأي حد أدنى لكل قسم، وآخر ميعاد لإرسال الدرجة.
  4. خطّط إنك تجيب أعلى من الحد الأدنى بهامش، لأن القبول غالبًا بالمنافسة.

الأرقام في الصفحة دي من صفحات القبول الرسمية وقت كتابتها (نوفمبر 2026)، وممكن تتغير. ارجع دايمًا للجامعة نفسها.

شارك المقال مع حد محتاجه
Facebook

عايز تعرف مستواك في Reading and Writing؟ اعمل اختبار المستوى، أو شوف كورسات SAT.

أسئلة شائعة

الـ SAT صالح لمدة قد إيه؟

College Board بيحتفظ بالدرجات، بس كل جامعة بتحدد بتقبل درجة من إمتى. بعض الكليات بتطلب إن الامتحان يبقى في آخر سنتين.

أمتحن كام مرة؟

تقدر تمتحن أكتر من مرة، وكتير من الجامعات بتاخد أعلى درجة. خطط لأول محاولة بدري عشان يبقى عندك وقت لمحاولة تانية.

EduStars بتدرّس إيه في الـ SAT؟

بنحضّر لقسم Reading and Writing بس (مش Math)، على مستويين: SAT Basics وSAT Advanced.

ابدأ من المكان الصح

اعمل اختبار تحديد المستوى المجاني، وبعد ما تخلص ابعتلنا درجتك على واتساب علشان نحدد مستواك بدقة ونرشحلك الكورس المناسب.